སྲོང་བཙན་སྒམ་པོ།
༦༥༽ དེ་ནས་བློན་ཆེན་མགར་སོགས་རྟ་དམག་ཧྲག་བསྡུས་སུམ་ཅུ་ལྷག་ཅིག་འཁོར་གཡོག་ཏུ་བརྫུས་སྟབས་ཀྱིས་ཁྱུང་ལུང་ཕོབྲང་དུ་སོང་ནས་ཞང་རྒྱལ་ལ་འཚམས་རྟགས་དུ་མ་དང་བཅས་བཙན་པོའི་སྲིང་མོར་འཚམས་འདྲིར་འོང་ཚུལ་གྱིས་ཕོ་བྲང་ནང་དུ་ཞག་སྡོད་བྱས།
༦༦༽ དེ་ནུབ་ལིག་མི་རྐྱས་ཀྱང་གསོལ་སྟོན་རྒྱས་པ་བཤམས་ཏེ་རྒྱལ་བློན་རྣམས་གླུ་གར་ཆང་གསུམ་ལ་རྒྱས་པར་རོལ། སྐབས་དེར་སད་མ་ཀར་གྱིས་ལིག་མི་རྐྱར་ཆང་འདྲེན་གྱིས་བཟི་བར་བྱས་ཏེ་གཟིམ་ཁང་དུ་ཁྲིད།
༦༧༽ མཚན་གུང་ཡོལ་ནས་ཚང་མ་ར་བཟི་ཞིང་གཉིད་དུ་ཡུར་བའི་ཚེ། མགར་སོགས་བློན་དམག་ཚོས་སྔོན་འཆར་ལྟར་ཕོ་བྲང་གི་སྒོ་རྣམས་དམ་པོར་བརྒྱབ་སྟེ། ལིག་མི་རྐྱའི་ནང་བློན་སྐུ་འཁོར་ཚང་མ་བཟུང་སྟེ་གསོལ་སྟོན་ཁང་དུ་བཀག་ཉར་བྱས།
༦༨༽ ཐོ་རངས་ནམ་མ་གསལ་གོང་ཙམ་ཞིག་ལ་ཁྱུང་ལུང་གི་སྟོད་སྨད་ནས་འཇབ་དམག་གིས་ཀི་སྒྲ་སྒྲོག་བཞིན་བྱུང་བས། ཕོ་བྲང་གི་སྲུང་དམག་རྣམས་ཀྱིས་རང་གི་རྒྱལ་བློན་ཚང་མ་བརླགས་ཚར་བ་ཤེས་འཕྲལ་ཕྱོགས་ཀུན་ལ་རང་མགོ་གང་ཐོན་གྱིས་བྲོས།
༦༩༽ དེར་སྲོང་བཙན་སྒམ་པོ་སྐུ་ངོ་མ་ཁྱུང་ལུང་ཕོ་བྲང་དུ་ཞང་ཞུང་རྒྱལ་བློན་ཚོར་ཞི་བའི་གྲོས་མོལ་གནང་བར་ཕེབས་པས། སྲིང་མོས་སྔ་ས་ནས་ཞེ་འཁོན་བརྩད་དེ་ལིག་མི་རྐྱ་ཆང་དུག་གིས་ལང་རྒྱུ་མེད་པ་བཟོས་ཟིན།
For the audio files